ས་བཅད་དང་པོ། ཀླད་ཀྱི་དོན་རྩ་བ་སྤྱིའི་རྣམ་དབྱེ་སྡོམ་དུ་བཤད་པ། དང་པོ་ལ་གཉིས་ཏེ། གླེང་གཞི་ཁུངས་སྟོན་པ་དང་། གླེང་བསླང་རྣམ་པར་དབྱེ་བའོ།།དང་པོ། གླེང་གཞི་ཁུངས་སྟོན་པ། དང་པོ་ལའང་གཉིས་ཏེ། གཞོམ་བྱ་ནད་ཀྱི་ཁུངས་དང༌། འཇོམས་བྱེད་སྨན་གྱི་ཁུངས་བསྟན་པའོ།། ༡། གཞོམ་བྱ་ནད་ཀྱི་ཁུངས་བསྟན་པ།

གཉིས་པ་གླེང་བསླང་བ་རྣམ་པར་དབྱེ་བ་ལ། ནུས་པ་རྣམ་པར་དབྱེ་བ་དང༌། སྡེ་ཚན་སྡོམ་དུ་བཀོད་པ་གཉིས་སོ།། ༡། ནུས་པ་རྣམ་པར་དབྱེ་བ། དང་པོ་ནི། སྨན་གྱི་ནུས་པ་ལའང་འབྱུང་བའི་ནུས་པ་དང༌། ངོ་བོའི་ནུས་པ་གཉིས་ཡོད་པས། དང་པོ་འབྱུང་བའི་ནུས་པ་ལ་དགོངས་ནས། རྒྱུད་ལས། རོ་སྡེབས་ནུས་སྡེབས་ཞུ་རྗེས་སྦྱར་ཏེ་སྡེབས་ཞེས་གསུངས་པས།

གཉིས་པ་བར་དུ་དགེ་བ་གཞུང་གི་དོན་བྱེ་བྲག་ཏུ་བཤད་པ་ནི། སྡེ་ཚན་བཅུ་གསུམ་པོ་མ་འདྲེས་པར་རིམ་པས་བཤད་པའི་དང་པོ་རིན་པོ་ཆེ་ལ་སྤྱི་དང་བྱེ་བྲག་གཉིས་ཡིན་ཏེ། སྡེ་ཚན་དང་པོ། རིན་པོ་ཆེའི་སྨན་སྡེ་བཤད་པ། དང་པོ། སྤྱིར་རིན་པོ་ཆེ་བཤད་པ། གཅིག སྤྱིར་རིན་པོ་ཆེའི་རྣམ་པར་དབྱེ་བ། དང་པོ་སྤྱིར་རིན་པོ་ཆེའི་རྣམ་པར་དབྱེ་བ་མདོ་ཙམ་བཤད་པ་ལ། དབྱེ་བ་དང་ཡོན་ཏན་གཉིས་ཏེ།

ད་ནི་བར་གྱི་གཉིས་པ་རྡོའི་སྨན་གྱི་སྡེ་ཚན་བཤད་པ་ལ། ཁམས་གཉིས་ལས་དང་པོ་བཞུ་བའི་ཁམས་ཀྱི་རྡོ་རྣམས་བཤད་པ་ནི། དང་པོ། བཞུ་བའི་ཁམས་ཀྱི་རྡོའི་སྨན་བསྟན་པ། ༡། ཁབ་ལེན། ཁབ་ལེན་མདེའུ་འབྱིན་ཀླད་རུས་རྩ་ནད་སེལ། །ཞེས་པ་ལ་རིགས་བཞི་སྟེ། འགུགས་བྱེད་དང༌། གཅོད་བྱེད་དང༌། འབིགས་བྱེད་དང༌། སྐོར་བྱེད་དོ།།

ད་ནི་བར་གྱི་གསུམ་པ་སའི་སྨན་གྱི་སྡེ་ཚན་བཤད་པ་ལ། རང་བྱུང་དང་བཅོས་པ་གཉིས་ལས། དང་པོ། རང་བྱུང་གི་ས་རྣམས་བཤད་པ། ༡། གསེར་གྱི་བྱེ་མ།གསེར་གྱི་བྱེ་མས་མཁལ་ནད་ཆུ་འགགས་སེལ། །ཞེས་པར། རང་བྱུང་རྡོ་རྗེས། བྱེ་མས་མཁལ་ནད་རྩ་ནད་སེལ། །ཞེས་གསུངས་པ་ནི། མཚོ་ཕལ་ཆེར་དང༌། ཆུ་ཆེ་ཕྲན་དང༌། རྡོ་འཛེང་དཀར་གྱི་གསེབ་སོགས་ནས་འབྱུང་བས་བྱེ་མ་གཞན་དང་འདྲེས་པ། ཟུར་དུ་གསེར་ཞག་འོད་ཉིལ་ཉིལ་བྱེད་པར་ཡོད་ལ།

ད་ནི་བར་གྱི་བཞི་པ་རྩིའི་སྨན་གྱི་ནུས་པ་བཤད་པར་བྱ་བ་ལ། ཤིང་ལྡུམ་སྔོ་དང་སྲོག་ཆགས་རྡོ་ལྔ་ལས་བྱུང་ཉུང་མཚོན་ཙམ་ཞིག་བཤད་པ་ནི། ༡། ག་བུར། ག་བུར་ཚ་བ་རྒྱས་པ་ཐོག་བབས་གསོད། །རྙིང་ཞིང་ཞེན་པའི་ཚ་བ་རྩད་ནད་འབྱིན། །ཞེས་པ་ལ། རྒྱུད་རིན་ཆེན་སྤུངས་པ་ལས། བསིལ་གྱི་རྒྱལ་པོ་ག་བུར་ཡིན་ཏེ་བསིལ་ལ་རྩུབ། །བློན་པོ་ཅུ་གང་མེད་ན་རྩུབ་པས་ཚ་བར་ལྡོག །ཅེས་དང༌།

ད་ནི་བར་གྱི་ལྔ་པ་ཤིང་གི་སྨན་གྱི་ནུས་པ་བཤད་པ་ལ། འབྲས་བུ་མེ་ཏོག་ལོ་མ་སྡོང་པོ་ཡལ་ཕྲན་པགས་པ་ཚི་བ་དང་བདུན་དུ་འདུས་ཤིང་རྩ་བ་བཤད་ཀྱང༌། བྲ་མའི་རྩ་ཟེར་བ་ཙམ་ལས་ལག་ལེན་སྐབས་ཆེར་མ་བཤད་པས་ཟུར་དུ་མ་ཕྱུང་བའི་ས་བཅད་བདུན་པོ་རིམ་པས་བཤད་པ་ནི། དང་པོ། འབྲས་བུའི་སྨན་གྱི་ནུས་པ་བསྟན་པ།

ད་ནི་བར་གྱི་བདུན་པ་སྔོའི་སྡེ་ཚན་བཤད་པ་ལ། རྩ་བ་ལོ་མ་མེ་ཏོག་འབྲས་བུ་བཞི་ལས་དེ་དག་ཇི་ལྟར་བཏུ་བ་ལག་ལེན་ལྟར་བཤད་པར་བྱ་སྟེ། དང་པོ། རྩ་བ་བཏུ་བར་འོས་པའི་རིམ་པ་བསྟན་པ། ཧོང་ལེན་ཁྲག་སྐེམ་འཁྲུགས་ཚད་དོན་ཚད་སེལ། །ཞེས་པ་ལ། ལྕགས་ཕྲེང་ལས། ཧོང་ལེན་བསིལ་ལ་རྩུབ་པས་ཁོང་ནད་འཁྲུ་ཞིང་འཇོམས། །ཞེས་དང༌། དཔག་བསམ་ལྗོན་ཤིང་ལས། ཧོང་ལེན་ཚ་བ་རྒྱས་པ་སེལ། །ཞེས་དང༌།

ད་ནི་བརྒྱད་པ་ལན་ཚྭའི་སྡེ་ཚན་བཤད་པ་ལ། སྤྱི་དང་བྱེ་བྲག་གཉིས་ཡོད་པ་ལས། དང་པོ། སྤྱིར་བསྟན་པ། དང་པོ་སྤྱིར་བཤད་པ་ནི། དེ་ཡང་རོ་དྲུག་གི་ནང་ཚན་ལན་ཚྭ་ནི། རྒྱུད་ལས། ལན་ཚྭ་རེག་ན་ཚ་ཞིང་མཆིལ་མ་འདུ། །

ད་ནི་བར་གྱི་དགུ་པ་སྲོག་ཆགས་ལས་བྱུང་བའི་སྨན་སྡེ་བཤད་པ་ལ། ནང་ཚན་དབྱེ་བ་སུམ་ཅུ་ཡོད་པ་རིམ་པས་བཤད་པར་བྱ་བ་ནི། དང་པོ་རྭ་ཡི་སྨན་གྱི་ནུས་པ་བསྟན་པ།

ད་ནི་བར་གྱི་བཅུ་པ་ཞིང་གི་ལོ་ཐོག་ལས་བྱུང་བའི་སྨན་མདོར་བསྡུས་བཤད་པ་ནི། ༡། འབྲས། འབྲས་ཀྱི་ནུས་པ་སྣུམ་འཇམ་བསིལ་ལ་ཡང༌། །ཉེས་པ་གསུམ་སེལ་རོ་ཙ་མདངས་དཀར་གསལ། །ལུས་ཡང་ཡིད་གཞུངས་འཁྲུ་དང་སྐྱུགས་པ་གཅོད།།

ད་ནི་བར་གྱི་བཅུ་གསུམ་པ་གདུས་པའི་སྨན་གྱི་ནུས་པ་བཤད་པ་ལ། ཚ་བ་མེས་གདུས་པ་དང༌། བསིལ་བ་ཆུས་གདུས་པ་གཉིས་སོ།། དང་པོ། ཚ་བ་མེས་གདུས་པ།དང་པོ་ནི། གསེར་གྱི་ཐལ་བས་རིན་ཆེན་དབྱིག་དུག་སེལ། དངུལ་ཐལ་ཤ་རོ་གཅོད་དང་ཆུ་སེར་སྐེམ། །ཟངས་ཐལ་རྣག་དང་ཆུ་སེར་སྐེམ་པའི་མཆོག།

ད་ནི་རྩ་བའི་ས་བཅད་གསུམ་པ་ཐ་མར་དགེ་བ་རྗེས་ཀྱི་དོན་བཤད་པ་ལ་གཉིས་ཏེ། བཏུ་བ་དུས་ཀྱི་གནད་དང༌། བསྡུས་པ་བརྡ་ཡིས་ངོ་སྤྲོད་དོ།། དང་པོ། བཏུ་བ་དུས་ཀྱི་གནད། དང་པོ་ནི། བཤད་པའི་རྒྱུད་ལས། སྐྱེ་སར་སྐྱེས་དང་དུས་སུ་བཏུས་པ་དང༌། །སྐམ་གསེད་ལེགས་དང་སོ་མ་རྙིང་པ་དང༌། །དུག་འདོན་འཇམ་བཙལ་འཕྲོད་པར་སྦྱར་བའོ། །