དེ་ནས་ཞེས་པ་ནི་སྔ་ཕྱི་མཚམས་སྦྱོར་བ་དང༌། སླར་ཡང་ཞེས་པ་འཕྲོའི་མུ་བསྐྱར་བའི་དོན་ཏེ་དྲང་སྲོང་ཡིད་ལས་སྐྱེས་ཀྱིས་འདི་སྐད་ཅེས་ཞུས་སོ། །ཀྱེ་ཞེས་བོས་ནས་དྲང་སྲོང་ཆེན་པོ་རིག་པའི་ཡེ་ཤེས་ལགས་ཞེས་ཞེ་ས་དང་བཅས་ཏེ་དམར་ཁྲིད་ལག་ཏུ་ལེན་པའི་མན་ངག་གི་རྒྱུད་འདིའི་རོ་ཙའི་སྐབས་ལ་ཅི་འདྲ་ལྟར་བསླབ་པར་བགྱི་ཞིང༌། 

རོ་ཙའི་ལེའུ་གསུངས་ཚར་བའི་རྗེས་དེ་མ་ཁད་ནས་སླར་ཡང་ཡོན་ཏན་ལས་སྤྲུལ་པའི་སྟོན་པ་དྲང་སྲོང་རིག་པའི་ཡེ་ཤེས་ཀྱིས་གསུང་སྤྲུལ་ཡིད་ལས་སྐྱེས་སོགས་འཁོར་རྣམས་ལ་འདི་སྐད་ཅེས་གསུངས་སོ། །ཀྱེ་ཞེས་བོས་ནས་དྲང་སྲོང་ཆེན་པོ་ཉོན་ཅིག་ཅེས་གདམས་ཏེ།