༄༅། །ཕུལ་བྱུང་གདོད་མའི་སྐྱེད་དཀའི་ཐུགས་མཆོག་བརྩེ་བ་ཆེན་པོའི་རྫིངས་ཞུགས་ཏེ།། རླབས་ཆེན་མཛད་པའི་དར་ཆེན་གཡོ་བས་ཟུག་རྔུའི་རྒྱ་མཚོ་མཐར་བརྒལ་ནས། །མི་ཤིགས་སྲོག་གི་རིན་ཆེན་གླིང་སོན་འགྲོ་བའི་ཕན་བདེ་སྩོལ་མཛད་པ། །སྙིགས་མའི་མགོན་པོ་བདེ་གཤེགས་བདུན་དང་ཁྱད་པར་སྨན་གྱི་བླ་དེར་འདུད། །སྣང་མཐའི་ཡེ་ཤེས་སྒྱུ་འཕྲུལ་པད་སྦུབས་སུ། །རྨད་བྱུང་སྤྲུལ་སྐུའི་གར་བསྒྱུར་གངས་ཅན་གྱི། །ཕན་བདེ་འབྱུང་གནས་སངས་རྒྱས་གཉིས་པ་ཆེ། །མཚོ་སྐྱེས་རྡོ་རྗེའི་ཞབས་དེར་སྤྱི་བོས་མཆོད། །བསིལ་ལྡན་པཎ་གྲུབ་རྒྱུ་སྐར་འཕྲེང་བའི་དབུས། །

དེའི་ཚེ་དེའི་དུས་ན་དྲང་སྲོང་གི་གནས་སྨན་གྱི་གྲོང་ཁྱེར་ལྟ་ན་སྡུག་གི་དབུས་ཀྱི་གཞལ་མེད་ཁང་ཆེན་པོར་སེང་གེས་བཏེག་པའི་རིན་པོ་ཆེའི་ཁྲི་ལ་བསྐལ་བཟང་གི་སངས་རྒྱས་བཞི་པ་ཤཱཀྱ་ཐུབ་པ་དེ་ཉིད་སྨན་པའི་རྒྱལ་པོའི་སྐུའི་བཀོད་པ་ཅི་འདྲ་བ་དེ་འདྲ་བར་བཞེངས་པ་དེའི་ཚེ་ལྷ་དང་དྲང་སྲོང་དང་ཕྱི་པ་དང་ནང་པའི་འཁོར་དཔག་ཏུ་མེད་པ་རང་བཞིན་གྱིས་འདུས་པ་དེའི་དུས་ན་སྟོན་པ་བཅོམ་ལྡན་འདས་འཚོ་མཛད་སྨན་གྱི་བླ་བཻ་ཌཱུརྱ་འོད་ཀྱི་རྒྱལ་པོ་དེས་འཁོར་རྣམས་ཀྱི་དབང་པོ་དང་བསམ་པ་དང་བག་ལ་ཉལ་མཐའ་དག་སྒྲིབ་ཐོགས་མེད་

ལེའུ་གཉིས་པ་གསུངས་པའི་དེ་མ་ཐག དེ་ནས་དྲང་སྲོང་ཡིད་ལས་སྐྱེས་ཀྱིས་སྟོན་པ་དྲང་སྲོང་རིག་པའི་ཡེ་ཤེས་ལ་འདི་སྐད་ཅེས་གསོལ་ཏོ་ཞེས་པ་ཡིན་ཏེ། ཀྱེ་སྟོན་པ་དྲང་སྲོང་རིག་པའི་ཡེ་ཤེས་ལགས། །ཞེས་ཞེ་ས་དང་བཅས་ཏེ་མཚན་ནས་བོས་ནས་གོང་དུ་གསོ་བ་རིག་པའི་རྒྱུད་སྡེ་རྣམ་བཞི་ལ་བསླབ་དགོས་པར་གསུངས་པ་ལས། ཐོག་མར་རྩ་བའི་རྒྱུད་ལ་བདག་ཅག་རྣམས་ཀྱིས་ཅི་ལྟར་བསླབ་པར་བགྱི་ཞེས་འདྲི་ན་འཚོ་མཛད་སྨན་པའི་རྒྱལ་པོས་གསལ་པོར་བཤད་དུ་གསོལ་ཞེས་གུས་པ་དང་བཅས་ཏེ་ཞུས་པ་ལས། དྲང་སྲོང་ཡིད་ལས་སྐྱེས་ཀྱིས་རྩ་རྒྱུད་

གནས་ལུགས་ནད་གཞིའི་རྩ་བ་ལས་འཕྲོས་པའི་དོན་ལྷག་མ་ལུས་པར་གསུངས་ཚར་བའི་རྗེས་ཐོག །དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཡིད་ལས་སྐྱེས་འཁོར་དང་བཅས་པ་ལེགས་པར་ཉོན་ལ་ཡིད་ལ་ཟུངས་ཤིག་ཅེས་གདམས་པའོ། །ངོས་འཛིན་རྟགས་ཀྱི་རྩ་བ་ལས་སྐྱེས་པའི་ནད་དེ་དག་ལ་བརྟག་ཐབས་ཀྱི་སྡོང་པོ་གསུམ་སྟེ་བལྟ་བའི་སྡོང་པོ། དེ་བཞིན་རེག་པ། དྲི་བའི་སྡོང་པོ་གསུམ་གྱིས་ནད་བྱེ་བྲག་སོ་སོར་ཡོངས་སུ་ཤེས་པར་བྱའོ། །སྡོང་པོ་དང་པོ་མིག་གིས་བལྟ་བའི་སྡོང་པོ་ལ་ལྕེའི་ཡལ་ག་དང༌།

ངོས་འཛིན་རྟགས་ཀྱི་རྩ་བ་དང་འབྲེལ་པའི་དོན་མ་ལུས་པ་བཤད་ཚར་བའི་རྗེས། དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་འཁོར་དང་བཅས་པ་ལེགས་པར་ཉོན་ལ་ཡིད་ལ་ཟུངས་ཤིག་ཅེས་པའོ། །གསོ་བྱེད་ཐབས་ཀྱི་རྩ་བ་ལས་སྐྱེས་པ་ནི་ངོས་འཛིན་རྟགས་ཀྱི་རྩ་བ་ནས་ནད་གཞིའི་བྱེ་བྲག་སོ་སོར་ངོས་བཟུང་ནས། ནད་དེ་ལ་གསོ་བར་བྱེད་པའི་གཉེན་པོ་ཞིག་དགོས་པ་དེ་ནི། དེ་ལ་ཟས་ཀྱི་སྡོང་པོ་དང༌། སྤྱོད་ལམ་གྱི་སྡོང་པོ་དང༌། སྨན་གྱི་སྡོང་པོ་དང༌། དཔྱད་ཀྱི་སྡོང་པོ་དང་བཞི་ཡིན་ཏེ། ཟས་ཀྱི་སྡོང་པོ་ལས་

གསོ་ཐབས་ཀྱི་ལེའུ་བཤད་ཟིན་པའི་རྗེས་ཐོག དེ་མ་ཐག་དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཡིད་ལས་སྐྱེས་འཁོར་དང་བཅས་པ་ཀུན་ལེགས་པར་ཉོན་ལ་ཡིད་ལ་ཟུངས་ཤིག་ཅེས་བཀའ་སྩལ་པ་ཡིན་ནོ། །གོང་དུ་བཤད་པའི་རྩ་རྒྱུད་དངོས་ཀྱི་ལེའུ་གསུམ་པོ་དེ་རྣམས་ཀྱི་དོན་མ་ལུས་པ་བསྡུས་དོན་གྱི་ཚུལ་དུ་འདིར་བཤད་པར་བྱའོ། །དེ་ཡང་ལྗོན་ཤིང་གི་དཔེའི་སྒོ་ནས་བསྡུ་ན། གནས་ལུགས། ནད་གཞི། ངོས་འཛིན་རྟགས། གསོ་བའི་ཐབས་ཏེ་རྩ་བ་ལ་གསུམ་མོ། །སྡོང་པོའི་གྲངས་བསྡུ་བ་ནི། རྩ་བ་དང་པོ་ལ་