ནད་ཀྱི་རྒྱུ་བསྟན་ཟིན་པའི་རྗེས་སུ་བྱ་བ་གཞན་གྱིས་བར་མ་ཆོད་པར་དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །དེ་ཡང་ཀྱེ་ཞེས་བོས་ནས་དྲང་སྲོང་ཆེན་པོ་ཡིད་ལས་སྐྱེས་ལ་སོགས་པའི་འཁོར་རྣམས་ལེགས་པར་ཉོན་ལ་ཡིད་ལ་ཟུངས་ཤིག་དང༌། བཤད་མ་ཐག་པའི་ནད་ཀྱི་རྒྱུ་དེ་ལྟ་བུ་ལ་ཟུག་རྔུ་མངོན་གྱུར་དུ་སྐྱེད་པར་བྱེད་པའི་རྐྱེན་ནི་དུ་ཙམ་ཡོད་སྙམ་ན་རྣམ་པ་གསུམ་དུ་ཡོད་དེ། སྐྱེ་མཆེད་དང༌། གསོག་ལྡང་དང༌། སློང་རྐྱེན་དངོས་ཏེ་རྣམ་པ་གསུམ་མོ། །སྐྱེ་མཆེད་དང་གསོག་ལྡང་ནད་ཀྱི་རྐྱེན་དུ་འགྱུར་བ་ཅི་ཡིན་ནམ་