ལུས་ཀྱི་ཆགས་ཚུལ་རྒྱས་པར་གསུངས་ཟིན་པའི་རྗེས་ཐོག་དེ་མ་ཐག་དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་ལུས་ཀྱི་འདྲ་དཔེ་རྣམས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཡིད་ལས་སྐྱེས་ཞེས་བོས་ནས། །ད་དུང་ལེགས་པར་ཉོན་ལ་ཡིད་ལ་ཟུངས་ཤིག་དང༌། འགྲོ་བ་མིའི་ལུས་ཇི་ལྟར་ཆགས་པ་དེ་རྣམས་ཀྱང་ཚུལ་གང་དང་འདྲ་བ་མི་ཤེས་པ་རྣམས་ཀྱི་སླད་དུ་འདྲ་བའི་དཔེ་དང་སྦྱར་ཏེ་ཕུང་པོའི་ཆ་ཤས་རྣམས་ཀྱི་གནས་ལུགས་འདི་ལྟར་བསྟན་པར་བྱའོ། །དེ་ཡང་མིའི་ལུས་འདི་ཉིད་ཙོག་ཙོག་པུར་ལག་པ་དཔྱངས་ཏེ་བསྡད་པ་ནི་འཁོར་ལོས་སྒྱུར་