དེ་ནས་དྲང་སྲོང་རིག་པའི་ཡེ་ཤེས་ལ། །དྲང་སྲོང་ཡིད་ལས་སྐྱེས་ཀྱིས་འདི་སྐད་ཞུས། །མ་སྨིན་ཚ་བའི་རྒྱུ་རྐྱེན་ངོ་བོ་གང༌། །མ་སྨིན་ཚ་བའི་མིང་དུ་ཅི་ཕྱིར་བཏགས། །དབྱེ་བ་རྟགས་དང་བཅོས་ཐབས་བཤད་དུ་གསོལ། །དེ་སྐད་ཞུས་པའི་དོན་ལ་ལན་གསུངས་པ། །མ་སྨིན་ཚ་བའི་རྒྱུ་ནི་བད་རླུང་ཡིན། །དེ་ལ་རྐྱེན་གསུམ་རང་བཞིན་མ་སྨིན་དང་། །ནད་ཁམས་རྐྱེན་གྱི་སྒོ་ནས་མ་སྨིན་པའོ། །རང་བཞིན་རྒྱུ་ཡིས་མ་སྨིན་ཞེས་བྱ་བ། །དེ་རྒྱུ་བད་རླུང་བསྡོངས་པ་ཅི་ཞེ་ན། །དཔེར་ན་རླུང་མཁྲིས་བད་ཀན་ཕ་སྤུན་འདྲ། །གཅིག་ལ་རྐྱེན་བྱུང་གཉིས་ཀྱང་མི་བདེ་ལྟར། །