དེ་ནས་དྲང་སྲོང་རིག་པའི་ཡེ་ཤེས་ལ། །དྲང་སྲོང་ཡིད་ལས་སྐྱེས་ཀྱིས་འདི་སྐད་ཞུས། །ཚ་གྲང་གཉིས་སུ་མ་འདུས་ནད་མེད་ཀྱང༌། །ཚ་གྲང་ནོར་བར་བཅོས་ན་གཞན་སྲོག་འདོར། །དེ་ཡི་ངོས་བཟུང་འཁྲུལ་སོ་ཅི་ལྟར་བསལ། །འཚོ་མཛད་སྨན་པའི་རྒྱལ་པོས་བཤད་དུ་གསོལ། །དེ་སྐད་ཞུས་པའི་དོན་ལ་ལན་གསུངས་པ། །ཚ་གྲང་འཁྲུལ་གཞི་གལ་འགག་རྣམ་བཞི་སྟེ། །རྟགས་དང་ངོ་བོ་གཉིས་ཀ་ཚ་བ་དང༌། །རྟགས་དང་ངོ་བོ་གཉིས་ཀ་གྲང་བ་དང༌། །ཕྱི་རྟགས་ཚ་ཡང་ངོ་བོ་གྲང་བ་དང༌། །ངོ་བོ་ཚ་ཡང་ཕྱི་རྟགས་གྲང་བ་ཡིན། །རྒྱུ་རྐྱེན་ཡུལ་དུས་རང་བཞིན་ན་ཚོད་དང༌། །