དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །གསུམ་པ་གནས་སྐབས་སྤྱོད་ལམ་བསྟན་པ་ནི། །བཀྲེས་སྐོམ་སྐྱུག་པ་གཡལ་དང་སྦྲིད་པ་དང༌། །དབུགས་གཉིད་ལུད་པ་མཆི་མ་བཤང་བ་འཕྱེན། །གཅིན་དང་ཁུ་བའི་ཤུགས་ནི་བགག་མི་བྱ། །བཀྲེས་བཀག་ལུས་ཞིག་ཉམ་ཆུང་ཡི་ག་འཆུས། །མགོ་འཁོར་དེ་ཟས་ཡང་སྣུམ་དྲོ་ཆུང་སྦྱར། །སྐོམ་བཀག་ཁ་སྐམ་མགོ་འཁོར་སྙིང་ནད་འབྱུང༌། །མྱོས་འགྱུར་དེ་བསིལ་ཆོ་ག་ཐམས་ཅད་ཕན། །སྐྱུགས་བཀག་དང་ག་འགག་དང་དབུགས་མི་བདེ། །