༄༅། །དེ་ནས་སྟོན་པ་བཅོམ་ལྡན་འདས་འཚོ་མཛད་སྨན་གྱི་བླ་བཻཌཱུརྱ་འོད་ཀྱི་རྒྱལ་པོ་དེས་ཏིང་ངེ་འཛིན་དེ་ལས་བཞེངས་ཏེ། ཐོགས་པ་མེད་པ་ཞེས་བྱ་བའི་སྨན་གྱི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་སྐུའི་གསང་བ་ལས་འོད་ཟེར་ཁ་དོག་བརྒྱ་སྟོང་དུ་མ་ཕྱོགས་བཅུར་འཕྲོས་པས་ཕྱོགས་བཅུའི་འགྲོ་བ་སེམས་ཅན་ཐམས་ཅད་ཀྱི་སེམས་ཞུམ་པ་དང་སྐྲག་པའི་ཉེས་སྐྱོན་ཐམས་ཅད་བསལ། །ལུས་དང་ཚེ་ལ་བར་དུ་གཅོད་པའི་ནད་དང་གདོན་ཐམས་ཅད་ཞི་བར་བྱས་ཏེ་སླར་སྐུའི་གསང་བར་འདུས་པ་ལས།

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཡིད་ལས་སྐྱེས། །མཐོང་བ་མེ་ལོང་ཆུ་ལ་ངོས་བཟུང་བ། །སྔོན་འགྲོ་བལྟ་དུས་སྣོད་དང་གྱུར་ཚུལ་དང༌། །ཐ་མལ་ནད་ཆུ་འཆི་ཆུ་གདོན་ཆུ་སྟེ། །ས་བཅད་རྣམ་བརྒྱད་ཆུ་བརྟག་མདོར་བསྟན་ཡིན། །དང་པོ་སྔོན་འགྲོ་བལྟ་བའི་ནུབ་མོ་ནས། །ཇ་དང་དར་བ་ཆང་དང་སིངས་པོ་སོགས། །ཆུ་མདོག་འགྱུར་ཕྱིར་ཧ་ཅང་མང་བ་སྤང༌། །སྐོམ་པར་མི་སྡོད་ཉལ་པོ་གཉིད་ཆག་དང༌། །འགྲོ་འདུག་སེམས་ལས་ཆུ་འཁྲུགས་སྤང་བར་བྱ། །ནམ་ཕྱེད་ཕན་ཆད་ཟས་ཀྱི་ཆུ་ཕོ་ལ། །

དེ་ནས་ཡང་དྲང་སྲོང་ཡིད་ལས་སྐྱེས་ཀྱིས་འདི་སྐད་ཅེས་ཞུས་སོ། །ཀྱེ་དྲང་སྲོང་ཆེན་པོ་རིག་པའི་ཡེ་ཤེས་ལགས། །ལག་ལེན་བཅོ་བརྒྱད་ནད་ཀྱི་དཔུང་འཇོམས་པའི། །རྐང་གྲངས་ལག་ཏུ་བླང་ཐབས་ཇི་ལྟར་བགྱི། །འཚོ་མཛད་སྨན་པའི་རྒྱལ་པོས་བཤད་དུ་གསོལ། །ཞེས་ཞུས་པས། སྟོན་པས་གསུངས་པ། ཀྱེ་དྲང་སྲོང་ཆེན་པོ་ཡིད་ལས་སྐྱེས། །གསོ་ཐབས་ལག་ལེན་རྐང་གྲངས་འདི་ལྟ་སྟེ། །ལག་ཏུ་བླང་བའི་གཉེན་པོ་སྨན་དཔྱད་གཉིས། །སྨན་ལ་ཞི་སྦྱང་གཉིས་ཏེ་ཞི་བྱེད་ལ། །ཐང་ཕྱེ་རིལ་བུ་ལྡེ་གུ་སྨན་མར་ལྔ། །སྡེ་ཚན་ལྔ་ཞེས་སྤྱི་རུ་གྲགས་པ་ཡིན། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །ཕྱེ་མའི་སྦྱོར་སྡེ་ཚ་སེལ་གྲང་སེལ་གཉིས། །ཚ་སེལ་ག་བུར་རྒྱལ་པོའི་སྦྱོར་བ་དང༌། །གུར་ཀུམ་བདུན་པ་བློན་པོའི་སྦྱོར་བ་དང༌། །གཙོ་བོ་བརྒྱད་པ་རྗེའུའི་སྦྱོར་བ་དང༌། སྣ་ཚོགས་དམངས་ཀྱི་སྡེ་ཚན་རྣམ་པ་བཞི། །ཚ་བ་སྟོབས་རྒྱས་རྒྱལ་པོ་ག་བུར་སྦྱར། །དེ་རིགས་མང་དང་སྟག་ཟིལ་ཤེལ་དང་གསུམ། །མང་ནི་སེར་ལ་སྣ་རིང་མཉེན་ལ་ཡང༌། །ཡང་ན་དཀར་འཇམ་ཁ་བ་བསྒོངས་པ་འདྲ། །འཇམ་ལ་བསིལ་བས་རླུང་ལྡན་ཚད་པ་སེལ། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །རིལ་བུའི་སྡེ་ཚན་ཚ་སེལ་གྲང་སེལ་གཉིས། །ཚ་སེལ་དུག་སྨན་དངུལ་ཆུ་མ་གཏོགས་པའི། །སྒོས་ཀྱི་ཚ་སེལ་རིལ་བུ་མེད་ན་ཡང༌། །སྨན་ནད་གང་འཕྲོད་རིལ་བུར་དྲིལ་དུ་བཏུབ། །གྲང་སེལ་རིལ་བུ་བི་ཁ་ནག་པོ་དང༌། །གླ་རྩི་རུ་རྟ་ཤུ་དག་ཨ་རུ་ར། །སྙིང་ཁྲག་རུས་པ་རྒྱུས་པ་ཤ་དང་ལྔ། །ཚད་དུ་སྦྱར་ཏེ་དྲི་ཆུས་རིལ་བུ་དྲིལ། །བྱ་ཁྱུང་རྣམ་པ་ལྔ་ཡི་རིལ་བུ་འདི། །སྲོད་དུས་ལྔ་བདུན་དགུ་རྣམས་རིམ་པས་བཏང༌། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །ལྡེ་གུའི་སྡེ་ཚན་ཚ་སེལ་གྲང་སེལ་གཉིས། །ཚ་སེལ་སོ་མ་ར་ཛ་ཨ་རུ་ར། །བསིལ་གསུམ་འདམ་བུ་ཤིང་མངར་ལྕགས་ཀྱི་ཕྱེ། །ཀ་ར་མར་གསར་ལྡེ་གུ་བྱས་པ་ཡིས། །གློ་མཆིན་ཚ་བ་རྙིངས་རྙོགས་སེལ་བར་བྱེད། །ཏིག་ཏ་གསེར་གྱི་མེ་ཏོག་བོང་ང་དཀར། །མ་ནུ་པི་པི་ལིང་དང་བ་ལེ་ཀ །སྦྲང་རྩིའི་ལྡེ་གུས་མཁྲིས་པའི་གློ་ནད་དང༌། །ཆང་ནད་མཁྲིས་པར་སྐྱུག་དང་མགོ་ནད་སེལ། །གུར་ཀུམ་མཚལ་དང་མཁྲིས་པ་སྣ་ཚོགས་དང༌། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །སྨན་མར་སྡེ་ཚན་ཚ་སེལ་གྲང་སེལ་གཉིས། །ཚ་སེལ་ཏིག་ཏ་ཧོང་ལེན་བ་ཤ་ཀ །སྤང་རྩི་ཀྱི་ལྕེ་ཁུ་བ་ཕྱུངས་པ་ཡི། །དྭངས་མ་བ་མཛོའི་འོ་མ་མར་གསར་ལ། །སྦྱར་བའི་མར་ཁུར་གུར་ཀུམ་གེ་སར་གསུམ། །ཀ་ར་སྦྲང་སྦྱར་མིག་སེར་སྐྱ་རྦབ་དང༌། །ཆུ་སེར་ལྤགས་ནད་ཚད་རྙིང་རླུང་ལྡན་འདོན། །ཏིག་ཏ་ཀྱི་ལྕེ་བ་དང་སུམ་ཅུ་ཏིག །བ་ལེ་ཀ་དང་འབྲས་བུ་གསུམ་གྱི་མར། །མཆིན་མཁྲིས་སྙིང་གི་ཚ་བ་རྙིངས་པ་སེལ། །ཏིག་ཏ་ནིམ་པ་ཧོང་ལེན་པ་ཏོ་ལ། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །སྡེ་ཚན་ལྔ་ཡི་ནང་དུ་མ་བསྟན་པའི། །ཐལ་སྦྱོར་ཁཎྜ་སྨན་ཆང་སྦྱོར་བ་གསུམ། །གྲང་བའི་ནད་ལ་ཐལ་སྨན་མཆོག་ཡིན་ཏེ། །ཚ་བའི་ནད་རྣམས་ཁཎྜས་སེལ་བར་བྱེད། །སྨན་ཆང་རླུང་ནད་བད་མཁྲིས་ལྡན་པ་སེལ། །སྦྱོར་བ་འདི་གསུམ་གསང་ཕྱིར་གུད་དུ་སྦས། །དང་པོ་ཐལ་སྨན་སྦྱོར་བ་བསྟན་པ་ནི། །སྤྱི་རུ་རྣོ་འཇམ་བར་མའི་སྦྱོར་བ་དང༌། །བྱེ་བྲག་ཁ་འཐོར་མི་འདྲ་དུ་མ་བསྟན། །དང་པོ་རླུང་མཁྲིས་བད་ཀན་ནད་གཞི་སྦྱར། །

དེ་ནས་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །ཁཎྜའི་སྡེ་ཚན་སྦྱར་ཐབས་བསྟན་པར་བྱ། །དང་པོ་འབའ་སམ་ཁཎྜ་སྦྱར་བ་ནི། །སྔོ་སྨན་ཐང་སྨན་བསིལ་ཀུན་ཁཎྜ་སྦྱར། །རྩི་སྨན་མཁྲིས་སྨན་ཁ་ཚར་བཏབ་པ་ཡིས། །ཚ་བའི་རིགས་སུ་གྱུར་པ་ཐམས་ཅད་སེལ། །སྔོ་ཡི་ཁཎྜ་བསིལ་གྱི་སྔོ་སྣ་ཚོགས། །བྲག་ཞུན་ཁཎྜ་སྦྱར་བས་ཚད་པ་འཇོམས། །རྨ་རྩིའི་ཁཎྜ་རེ་སྐོན་བྲག་སྤོས་པ། །རི་དང་ཀླུངས་ཀྱི་རྟ་ལྤགས་དར་ཡ་ཀན། །བསེར་ཁ་བ་མོས་མ་ཕོག་རྩ་ལོར་བཅས། །ཁཎྜ་རྨ་རྣམས་ཀུན་གྱི་རྨ་རྩིར་བཟང༌། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །སྨན་ཆང་སྡེ་ཚན་སྦྱར་བའི་ཐབས་བསྟན་པ། །སྦྲང་གི་ཆང་ལ་རྐྱང་ཁུག་ཡོངས་རྫོགས་གསུམ། །སྦྲང་ཆང་རྐྱང་པ་སྦྲང་རྩི་བྲེ་གང་དང༌། །ཆུ་བྲེ་དྲུག་བསྲེས་བཙོས་ལ་རྔ་མས་བཙགས། །བྲེ་དོར་གདུ་ནས་ཆུ་བྲེ་གང་བླུག་ལ། །ངད་བསད་གཟར་བུས་ཕྱར་ཏེ་འོ་དྲོད་ཙམ། །ཕབས་རྡོག་སྙིམ་གང་གྲིས་དྲད་རྔ་མར་ཕུར། །ཅོང་ཞིའི་གཏིང་རྡོ་ལྡིང་ཐག་ཤིང་ལ་གཏོད། །སུག་སྨེལ་ཐུན་གཅིག་བཏགས་ལ་བཏབ་སྟེ་མནན། །ཞག་དུས་བསྲོས་ཀྱིན་ཞག་གསུམ་བར་དུ་བཞག །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །ཞི་བྱེད་རྒྱལ་པོ་རིན་ཆེན་སྦྱོར་སྡེ་བཤད། །ཐང་ཕྱེ་རིལ་བུ་ལྡེ་གུ་སྨན་མར་སོགས། །ཡང་ཡང་བསྟེན་པས་སྨན་འདྲེད་ནད་མ་ཐོན། །ཞི་བྱེད་ཀུན་གྱི་ལོག་གནོན་རིན་པོ་ཆེ། །ཁྲག་མཁྲིས་བད་རླུང་བཞི་བརྒྱ་རྩ་བཞིའི་ནད། །མགོ་དང་བྱང་ཁོག་ཡན་ལག་རྨ་རྣམས་དང༌། །དམུ་འོར་མཛེ་འབྲས་གག་ལྷོག་གཉན་ནད་དང༌། །ཀླུ་གཉན་རྒྱལ་པོ་ལ་སོགས་འབྱུང་པོའི་གདོན། །རིན་པོ་ཆེ་ཡིས་མི་སེལ་འགའ་ཡང་མེད། །ནད་གཞི་མེད་པའི་མི་ལ་བཅུད་ལེན་འགྱུར། །

དེ་ནས་ཡང་དྲང་སྲོང་ཡིད་ལས་སྐྱེས་ཀྱིས་འདི་སྐད་ཅེས་ཞུས་སོ། །ཀྱེ་དྲང་སྲོང་ཆེན་པོ་རིག་པའི་ཡེ་ཤེས་ལགས། །ཞི་བྱེད་སྡེ་བརྒྱད་རིན་ཆེན་སྦྱོར་བ་རྣམས། །གསོ་བྱའི་ནད་ལ་མི་སེལ་འགའ་མེད་ཀྱང༌། །ནམ་ཞིག་ལྔ་བརྒྱའི་དུས་སུ་སླེབ་ཙམ་ན། །དབུལ་པོའི་ནད་པ་རྣམས་ཀྱིས་བསླུར་མི་ཐེག །མཐའ་འཁོབ་ཡུལ་དུ་བཙལ་བས་རྙེད་པ་དཀའ། །ཐག་རིང་ཡུལ་དུ་བཙལ་བས་ནད་པ་འཆོར། །དེ་ཕྱིར་ས་ལ་སྐྱེས་པའི་སྔོ་རྣམས་ཀུན། །སྐྱེས་ཚད་མཐོང་ཚད་སྨན་དུ་སྦྱར་ཐབས་ཞུ། །འཚོ་མཛད་སྨན་པའི་རྒྱལ་པོས་བཤད་དུ་གསོལ། །ཞེས་ཞུས་པ་ལས།

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །ལས་ལྔའི་སྔོན་འགྲོ་སྣུམ་འཆོས་རུང་མི་རུང༌། །བསྟེན་ཐབས་ལེགས་ཉེས་དེ་ཡི་ལོག་གནོན་ནོ། །སྣུམ་རུང་རྒས་སྦེག་སྟོབས་ཆུང་སེམས་ལས་ཆེ། །ལྟོ་སྐྱ་ཁྲག་ཟགས་ཁོང་རྩུབ་ཁུ་བ་ཟད། །རླུང་ཆེ་མིག་འགྲིབས་སྦྱང་བ་དགོས་ལ་བཏང༌། །མི་རུང་མེ་དྲོད་ཆུང་བ་མ་ཞུ་འཁྲུ། །དྲེག་གྲུམ་དབྱིག་དུག་ཡི་ག་འཆུས་པ་དང༌། །བད་ཀན་སྐྱུག་ནད་སྐོམ་དད་ཆེ་ལ་སྤང༌། །བསྟེན་ཐབས་སྤྱི་དང་བྱེ་བྲག་རྣམ་པ་གཉིས། །དང་པོ་འབྲུ་མར་ཞུན་མར་རྐང་མར་ཚིལ། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །ལས་ལྔའི་མཆོག་གྱུར་བཤལ་ལ་བརྟག་པ་དང༌། །བཏང་ཐབས་སྐྱོན་ཡོན་རྣམ་པ་བཞི་ཡིས་བསྟན། །དང་པོ་རུང་དང་མི་རུང་ནད་གཞི་བརྟག །རན་དང་མི་རན་དུས་ཚོད་བརྟག་པ་དང༌། །ཐུབ་དང་མི་ཐུབ་ལུས་ཤེད་བརྟག་པར་བྱ། །རུང་བ་རིམས་འཁྲུགས་ཚ་བ་སྨིན་རྒྱས་དང༌། །དུག་དང་སྣོད་ཚད་མ་ཞུ་སྐྲན་ནད་དང༌། །སྐྱ་རྦབ་དམུ་ཆུ་བད་སྨུག་ཆུ་སེར་མཛེ། །དྲེག་གྲུམ་སྲིན་ནད་རབ་རིབ་རྨ་རྙིང་སོགས། །ཕྱི་ནང་ཕལ་ཆེའི་ནད་ལ་བསྔགས་པ་སྟེ། །

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །ལས་ལྔ་སྐྱུགས་ལ་སྔོན་འགྲོ་དངོས་གཞི་དང༌། །ཕྱི་རྗེས་བཅད་དང་ཕན་ཡོན་བསྟན་པའོ། །སྔོན་འགྲོ་ནད་གཞི་རུང་དང་མི་རུང་བརྟག །སྦྱོར་བའི་སྔོན་འགྲོ་ཉེ་རིང་རྣམ་གཉིས་བྱ། །མི་རུང་ཟུངས་ཟད་རླུང་ཆེ་ཆུ་རྒྱུ་འགགས། །མིག་འགྲིབ་སྲིན་ནད་གཞང་འབྲུམ་ཤ་དུག་རྒྱས། །རྒས་ཆེས་གཞོན་ཆེས་གདོན་ཅན་རྣམས་ལ་སྤང༌། །རུང་བ་མ་ཞུ་ལྷེན་སྐྲན་ལྕགས་དྲེག་ཆགས། །དུག་དང་གླང་ཐབས་ཁྲག་མཁྲིས་ཕོ་བར་ལྷུང༌། །མགོ་ནད་དང་ག་འགགས་དང་སྲིན་བུ་ལྡོག །