དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །སྡེ་ཚན་ལྔ་ཡི་ནང་དུ་མ་བསྟན་པའི། །ཐལ་སྦྱོར་ཁཎྜ་སྨན་ཆང་སྦྱོར་བ་གསུམ། །གྲང་བའི་ནད་ལ་ཐལ་སྨན་མཆོག་ཡིན་ཏེ། །ཚ་བའི་ནད་རྣམས་ཁཎྜས་སེལ་བར་བྱེད། །སྨན་ཆང་རླུང་ནད་བད་མཁྲིས་ལྡན་པ་སེལ། །སྦྱོར་བ་འདི་གསུམ་གསང་ཕྱིར་གུད་དུ་སྦས། །དང་པོ་ཐལ་སྨན་སྦྱོར་བ་བསྟན་པ་ནི། །སྤྱི་རུ་རྣོ་འཇམ་བར་མའི་སྦྱོར་བ་དང༌། །བྱེ་བྲག་ཁ་འཐོར་མི་འདྲ་དུ་མ་བསྟན། །དང་པོ་རླུང་མཁྲིས་བད་ཀན་ནད་གཞི་སྦྱར། །