དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །རིལ་བུའི་སྡེ་ཚན་ཚ་སེལ་གྲང་སེལ་གཉིས། །ཚ་སེལ་དུག་སྨན་དངུལ་ཆུ་མ་གཏོགས་པའི། །སྒོས་ཀྱི་ཚ་སེལ་རིལ་བུ་མེད་ན་ཡང༌། །སྨན་ནད་གང་འཕྲོད་རིལ་བུར་དྲིལ་དུ་བཏུབ། །གྲང་སེལ་རིལ་བུ་བི་ཁ་ནག་པོ་དང༌། །གླ་རྩི་རུ་རྟ་ཤུ་དག་ཨ་རུ་ར། །སྙིང་ཁྲག་རུས་པ་རྒྱུས་པ་ཤ་དང་ལྔ། །ཚད་དུ་སྦྱར་ཏེ་དྲི་ཆུས་རིལ་བུ་དྲིལ། །བྱ་ཁྱུང་རྣམ་པ་ལྔ་ཡི་རིལ་བུ་འདི། །སྲོད་དུས་ལྔ་བདུན་དགུ་རྣམས་རིམ་པས་བཏང༌། །