པདྨ་མཐར་ཕྱིན་ལགས་ནི་ཕྱི་ལོ་ ༡༩༧༨ ཟླ་ ༡ ཚེས་ ༧ ཉིན་མིའོ་ཆོས་འཕེལ་གླིང་བོད་མིའི་གཞིས་ཆགས་སུ་ཕ་ཕུན་ཚོགས་ཆོས་ལྡན་དང་མ་བསམ་གཏན་ལྷ་མོ་གཉིས་ཀྱི་བུར་སྐྱེས། ཁོང་གིས་ཧར་སྤུར་དབུས་བོད་སློབ་ནས་སློབ་ཐོན་བྱས་རྗེས་ ༢༠༠༥ ཕྱི་ཟླ་ ༧ ཚེས་ ༡༥ ཉིན་ཇེ་གོན་ཡན་ལག་སྨན་རྩིས་ཁང་དུ་ཚོད་ལྟའི་ལས་བྱེད་ཐོག་ནས་ཞུགས་ཏེ་ ༢༠༠༦ ཕྱི་ཟླ་ ༤ ཚེས་ ༡ ཉིན་གཏན་འཇགས་ལས་བྱེད་དུ་གྱུར། རྗེས་སུ་ལྡི་ལི་བུདྡ་ཝི་ཧར་ཡན་ལག་སྨན་རྩིས་ཁང་དུ་རྩིས་པ་དང་། ༢༠༡༢ ལོར་ལྡི་ལོ་བསམ་ཡས་གླིང་ཡན་ལག་སྨན་རྩིས་ཁང་དུ་རྩིས་པའི་ལས་འགན་གནང་། མི་ལོ་ཧྲིལ་པོ་ ༡༨ ལྷག་ཙམ་འགྲོ་ཕན་སྨན་རྩིས་ཁང་གི་ཞབས་འདེགས་ཞུས་ཡོད་པ་བཅས།།

འགྲོ་ཕན་སྨན་རྩིས་ཁང་ནས་ཁོང་གི་ནང་མི་སྤུན་མཆེད་དང་ལས་རོགས་ཚོར་མྱ་ངན་གུས་འདུད་ཞུ་རྒྱུ་དང་ཆབས་ཅིག་འདས་པོའི་རྣམ་ཤེས་མགྱོགས་མྱུར་བདེ་བ་ཅན་དུ་སྐྱེ་བའི་སྨོན་འདུན་ཞུ་རྒྱུ་ཡིན།།

མཐའ་མའི་འདོན་ཐེངས་།: 09.01.2025 ཉིན། 3:04 PM