༄༅། །བོད་ཀྱི་གསོ་བ་རིག་པའི་རྩུབ་དཔྱད་མེ་བཙའི་གསང་གནས་དང་ཕན་ཡོན་བློ་གསར་ལྡེ་མིག
          

 སྨན་པ་ཉེ་བའི་འབུམ་རམས་པ་བསྟན་འཛིན་མཐའ་ཡས་ཀྱི་ཕྱོགས་སྒྲིག་ཞུས།

བོད་ཀྱི་གསོ་བ་རིག་པའི་གཞུང་དུ་གསུངས་པའི་གཉེན་པོ་ཟས་སྤྱོད་སྨན་དཔྱད་བཞིའི་ཡ་གྱལ་རྩུབ་དཔྱད་མེ་བཙའི་བཅོས་ཐབས་གྱི་གསང་དམིགས་རྣམས་ཀྱི་གསང་གནས་དང་ཕན་ཡོན་བཅས་ཀྱི་སྐོར་མདོ་ཙམ་བརྗོད་པ་ལ། གཙོ་བོ་གསོ་རིག་རྒྱུད་བཞིའི་ཕྱི་མོ་ཕྱི་མ་འཕྲིན་ལས་རྒྱུད་ཀྱི་མེ་བཙའི་ལེའུའི་ནང་དངོས་སུ་གསུངས་པའི་གསང་དམིགས་རྣམས་དང་། དེ་བཞིན་གཞུང་གཞན་དུ་གསལ་བའི་གསང་དམིགས་ཁག་བཅས་གང་རྙེད་ཅིག་ཕྱོགས་བསྡུས་བྱས་ནས། སྨན་པ་གཞོན་པ་རྣམས་ཀྱིས་ལག་ལེན་དངོས་ཀྱི་སྐབས་སུ་བལྟ་བདེ་དང་སྤྱོད་བདེའི་དོན་དུ་གང་གསལ་འགོད་པར་བྱ། དེ་ཡང་གསོ་རིག་རྒྱུད་བཞི་ནི་བོད་ཀྱི་གསོ་དཔྱད་ཀུན་གྱི་སྙིང་པོ་ཡིན་པས་དེའི་ནང་དུ་མེ་བཙའི་གསང་དམིགས་དོན་གཅིག་གི་གསང་གནས་དང་ཕན་ཡོན་བཅས་ཞིབ་རྒྱས་གསུངས་ཡོད་པ་དང་། དེ་བཞིན་མཁས་པ་གཞན་ཀྱིས་གསུངས་པའི་མེ་བཙའི་སྐོར་མང་དུ་ཡོད་པའི་ནང་ནས་སྔོན་གྱི་མཁས་དབང་དེའུ་དམར་དགེ་བཤེས་བསྟན་འཛིན་ཕུན་ཚོགས་ཀྱིས་མཛད་པའི་མེ་བཙའི་གདམས་པ་རྒྱས་སྤྲོས་གསལ་སྟོན་ཤེལ་དཀར་མེ་ལོང་དང་། དེ་བཞིན་དེང་རབས་མཁས་དབང་སློབ་དཔོན་ཁྲོ་རུ་ཚེ་རྣམ་གྱིས་བརྩམས་པའི་རྒྱུད་བཞིའི་འགྲེལ་ཆེན་དྲང་སྲོང་ཞལ་ལུང་། སྨན་པ་འབུམ་རམས་པ་བཀྲ་རྒྱལ་གྱིས་མཛད་པའི་ཤེལ་དཀར་མེ་ལོང་གི་འགྲེལ་བ་བློ་གསར་དགྱེས་པའི་སྒྲོན་མེ། མཁས་དབང་གདུགས་དཀར་དང་འོ་ཚོགས་ཆེན། དོན་གྲུབ་ཚེ་རིང་གསུམ་གྱིས་མཛད་པའི་མེ་བཙའི་རྣམས་བཤད་མཐོང་བ་དོན་ལྡན་སོགས་མཇལ་བ་རྣམས་ཀྱི་ནང་དུ་བཞུགས་པའི་གལ་ཆེའི་གསང་གནས་དང་། དེ་རྣམས་ཀྱི་ཕན་ཡོན་བཅས་ཞིབ་ཕྲ་བཀོད་ཡོད་པ་རྣམས་དང་། ཁྱད་པར་དུ་འབུམ་རམས་པ་བཀྲ་རྒྱལ་མཆོག་གིས་མཛད་པའི་བློ་གསར་དགྱེས་པའི་སྒྲོན་མེའི་ནང་དུ་གསང་དམིགས་མཚོན་པའི་ཚོན་རིས་ཅན་གྱི་རི་མོ་བཅས་ཡོད་པས་གསལ་ཁ་གང་ཆེ་དང་སྤྱོད་བདེ་ཡོད་པ་རྣམས་ཕྱོགས་བསྡུས་ཀྱིས་རང་བློར་གོམས་པ་དང་བློ་གསར་རྣམས་ལ་བལྟ་བདེ་ཡོང་ཆེད་ཅུང་ཙམ་ཕྱོགས་སྒྲིག་ཞུ་བ་ལ། རྒྱབ་གསང་དང་། མདུན་གསང་། ཡན་ལག་གི་མགོའི་གསང་། ལག་པའི་གསང་། རྐང་པའི་གསང་དམིགས་བཤད། བད་ཀན་མགུལ་འགག་དང་ཕོ་ཐོག་གི་གསང་། གསང་ལ་མ་ལྟོས་པའི་གདབ་དམིགས། གདབ་སའི་གནས་མ་ཡིན་པ་བཅས་ས་བཅད་བརྒྱད་ཀྱི་སྒོ་ནས་འགྲེལ་བར་བྱའོ། །

དང་པོ། རྒྱབ་གསང་།
༡། རླུང་གསང་།

མཐའ་མའི་འདོན་ཐེངས་།: 11.03.2025 ཉིན། 10:19 AM