གློ་ཚད་གཉན་སྲིན་ཁྱབ་གདལ། 

འགྲོ་བ་མིའི་གློ་ཚད་གཉན་སྲིན་ (HMPV: Human metapneumo virus ) འདི་གློ་ཡུའི་གོང་འོག་གཉིས་ཀར་ནད་གཞི་སྐྱེད་ཅིང་། ལྷག་པར་ཕྲུ་གུ་ཆུང་ཆུང་དང་། རྒན་འཁོགས། ནད་འགོག་ནུས་པ་ཞན་པའི་མི་རྣམས་ལ་ཉེན་ཁ་ཆེ་བ་ཡོད། HMPV ནི་ཕྱི་ལོ་ ༢༠༠༡ ལོར་ཐོག་མར་རྙེད་སོན་བྱུང་ཡོད། གཉན་སྲིན་དེ་དབུགས་འབྱིན་རྔུབ་ཀྱི་གཉན་སྲིན་ (RSV) དང་ལྷན་དུ་ pneumoviridae སྡེ་ཚན་ཁོངས་སུ་གཏོགས་ཡོད། འདུས་རྡུལ་བརྟག་ཐབས་བཀོལ་དཔྱོད་ཚགས་བྱས་པ་ལ་བརྟེན་ནས་གཉན་སྲིན་འདི་ངོས་འཛིན་དང་། དེ་བཞིན་དེའི་སྐོར་གོ་རྟོགས་ཀྱང་སྔར་བས་ཤུགས་ཆེ་རུ་ཕྱིན་པ་དང་། གཉན་སྲིན་འདི་གློ་ཡུའི་གོང་འོག་གི་གཉེན་ཁའི་རྒྱུ་རྐྱེན་གལ་ཆེན་ཞིག་ཡིན་པ་ཤེས་རྟོགས་བྱུང་ཡོད།

ནད་རྟགས།

 

HMPVགློ་ཚད་གཉན་སྲིན་ནད་རྟགས་ཐུན་མོང་ནི་སྣ་ཆུ་ཐོན་པ་དང་། ལུད་པ་ལུ་བ་དང་། ཚ་བ་རྒྱས་པ། སྣ་འགག་པ། ཐོར་སིབ། དབུགས་ཧལ་བ་བཅས་ཡིན། HMPVགཉན་སྲིན་གྱིས་གློ་ཡུ་གོང་འོག་གཉིས་ལ་གཉེན་ཁ་བརྒྱབ་ནས་གློ་བའི་གཉན་སྲིན་གཞན་དང་འདྲ་བར་རིམ་པས་གློ་རྩའི་གཉན་ཚད་དམ་གློ་ཚད་ལ་འགྱུར་སྲིད། གཉན་སྲིན་སྐྱེད་འཕེལ་གྱི་ཚོད་དཔག་བྱས་པའི་དུས་ཡུན་ནི་ཉིན་ ༣ ནས་ ༦ བར་ཡིན་པ་དང་། སྨན་བཅོས་ཀྱི་ཕན་འབྲས་ནི་ནད་རྟགས་ཚབས་ཆེ་ཆུང་ལ་གཞིགས་ནས་མི་འདྲ་བ་ཡོང་སྲིད་ཀྱང་། གློ་བའི་གཉན་སྲིན་གཞན་དང་སྨན་བཅོས་ཕན་འབྲས་གཅིག་མཚུངས་ཡིན།

ཁྱབ་གདལ་འགྲོ་སྟངས། 

HMPV གཉན་སྲིན་མི་གཅིག་ནས་གཞན་ལ་མཆེད་ཚུལ་ནི།

• གློ་ལུ་དང་ཧབ་སྦྲིད་རྒྱག་པའི་སྐབས་སུ་འཛག་པའི་གཤེར་ཁུ་ལས་འགོ་སྲིད།
• མི་སྒེར་དང་འབྲེལ་བ་ཉེ་པོ་ཡོད་པའི་རིགས། དཔེར་ན་རེག་པའམ་ལག་པ་གཡུག་རེས་བྱེད་པ་ནས་འགོ་སྲིད།
• ནད་དུག་ཡོད་པའི་དངོས་པོའམ་ངོས་གཞི་ལ་རེག་རྗེས་ཁ་དང་། སྣ། མིག་བཅས་ལ་ལག་པ་འཆང་བ་བཅས་ཀྱི་ལམ་ནས་གཞན་ལ་འགོ་བ་ཡིན།

ཨ་རིའི་ནང་ HMPVགཉན་སྲིན་ནི་ལོ་འཁོར་གྱི་དུས་ཚིགས་ངེས་ཅན་ནང་ཁྱབ་གདལ་འགྲོ་གི་ཡོད། HMPV གཉན་སྲིན་ནི་དགུན་དུས་ནས་ཁྱབ་གདལ་འགོ་ཚུགས་ཏེ་དཔྱིད་ཀ་བར་དུ་གནས་ཀྱི་ཡོད།

སྔོན་འགོག 

གཤམ་གྱི་གོ་རིམ་འདི་དག་ལ་བརྟེན་ནས་ HMPV གློ་ཚད་གཉན་སྲིན་དང་དབུགས་འབྱིན་རྔུབ་ཀྱི་གཉན་སྲིན་གཞན་ལ་ཁྱབ་གདལ་འགྲོ་བར་སྔོན་འགོག་བྱེད་ཐུབ།

1. ལག་པ་ཡག་པོ་བཀྲུ་རྒྱུ་གལ་ཆེན་པོ་རེད། ལག་པ་ཆུ་དང་འདག་རྫས་བེད་སྤྱོད་བྱས་ནས་སྐར་ཆ་ ༢༠ རིང་བཀྲུ་དགོས། (CDC ཡི་ལག་པ་གཙང་མ་བཟོས་ནས་སྲོག་སྐྱོབ་ཅེས་པའི་ལས་འགུལ་ལ་གཟིགས་རོགས།)

2. ལག་པ་མ་འཁྲུད་པའང་ཕྱག་བཙོག་པ་དེ་མིག་དང་། སྣ། ཁ་བཅས་ལ་རེག་རྒྱུ་འཛེམ་དགོས།

3. ནད་འདི་ཕོག་ཡོད་པའི་ནད་པའི་ཉེ་འགྲམ་དུ་འགྲོ་བར་མི་བྱ།

4. ནད་རྟགས་འདྲ་མཚུངས་ཡོད་པའི་ནད་པ་ཚོས་གློ་ལུ་བ་དང་ཧབ་སྦྲིད་རྒྱག་སྐབས་ཁ་དང་སྣ་རྣམས་བཀབ་དགོས།

5. ལག་པ་ཡང་ཡང་དང་ཚུལ་དང་མཐུན་པར་འཁྲུད་དགོས། (ཆུ་དང་འདག་རྫས་བེད་སྤྱོད་བྱས་ནས་སྐར་ཆ་ ༢༠ རིང་)

6. ཕོར་པ་དང་ལྟོ་སྣོད་སོགས་གཞན་དང་མཉམ་དུ་སྤྱོད་མི་རུང་།

 7. གཞན་ལ་འོ་བྱེད་མི་རུང་།

8. ན་དུས་ཁྱིམ་ཚང་ནང་དུ་སྡོད་དགོས།

དེ་བཞིན་དུ། ནད་དུག་སྦགས་སྲིད་པའི་ངོས་(དཔེར་ན་སྒོའི་ལག་པ་འཇུ་ས་དང་མཉམ་སྤྱོད་རྩེད་ཆས་སོགས་)གཙང་བཟོ་བྱས་ན་ HMPVགཉན་སྲིན་ཁྱབ་གདལ་འགྲོ་བར་སྔོན་འགོག་བྱེད་པར་ཕན་ཐོགས་ཡོད་སྲིད།

འཕྲོད་བསྟེན་ཞབས་ཞུའི་ལྟེ་གནས་ཁག་ཏུ། འཕྲོད་བསྟེན་ཞབས་ཞུ་བ་ཚོས་ CDC ཡི་ཕྱི་ལོ་ ༢༠༠༧ ལོའ་འཕྲོད་བསྟེན་ཞབས་ཞུའི་བཀོད་སྒྲིག་ནང་ཟུར་བཀག་སྔོན་འགོག་གི་ལམ་སྟོན་དང་འགོས་ནད་ཁྱབ་གདལ་འགོག་ཐབས་ཀྱི་ལམ་སྟོན་གཞིར་བཟུང་ལག་བསྟར་གནང་དགོས།།

ཁུངས་གཏུགས་ས། 

རྒྱལ་ཡོངས་འགོས་ནད་དང་དབུགས་འབྱིན་རྔུབ་མ་ལག་ཁང་། ཏོག་དབྱིབས་རིམས་ནད་དང་དབུགས་འབྱིན་རྔུབ་མ་ལག་གི་ནད་དུག་ཚན་པ་ནས་ཟུར་འདོན་ཞུས།

མཐའ་མའི་འདོན་ཐེངས་།: 07.01.2025 ཉིན། 3:23 PM